«Jas Otan» Qazaqstandaǵy jemqorlyqpen aty shyqqan 7 birdei jeke menshik joǵary oqý ornynyń tizimin jariialady, dep habarlaidy QazAqparat.
Otandyq joǵary oqý oryndarynyń jemqorlyqqa beiim ekenine árbir segizinshi stýdenttiń kózi jetip otyr. «Nur Otan» partiiasy «Jas Otan» jastar qanatynyń tóraǵasy Elnur Beisenbaev «Taza sessiia» aktsiiasynyń ekinshi kezeńiniń qorytyndysyn aitty. Anonimdi saýalnamaǵa elimizdegi 64 jeke menshik joǵary oqý ornynda oqyp jatqan 20 myńnan astam stýdent qatysqan.
«Kóptegen stýdentter para berýdi JOO oqymai-aq bitirýdiń joly siiaqty kóredi. Desek te, oqytýshylardyń ózderi osyndai jaǵdaida oqý bitirgen, túlekteriniń aldaǵy taǵdyry olardy alańdatyp otyrǵan joq. «Jas Otan» jastar qanatynyń belsendilerine stýdentter kóptep habarlasyp, kómek suraidy. Saýalnama negizinde stýdentterdiń jemqorlyq faktilerin kórsetken 7 joǵary oqý ornynyń reitingi jasaldy. Bular - Nur-Sultan qalasyndaǵy Meditsinalyq ýniversitet, Jetisai qalasyndaǵy «Syrdariia» ýniversiteti, Almatydaǵy Qazaq týrizm jáne sport akademiiasy, Shymkent qalasyndaǵy Aimaqtyq áleýmettik-innovatsiialyq ýniversitet, Almatydaǵy Ortalyq Aziia ýniversiteti, «Almaty» ýniversiteti, S.Baishev atyndaǵy Aqtóbe ýniversiteti», - dedi Elnur Beisenbaev.
Respondentterdiń pikirinshe, jemqorlyq faktisi eń kóp emtihan jáne esep tapsyrý kezinde (23,8%), diplomdyq jumys qorǵaý kezinde (8,7%) kórinis berip otyr. Al, «JOO stýdentter parany kimge kóp beredi» degen suraq boiynsha stýdentterdiń 30% konvertti oqytýshylarǵa beretini, al 4,4% rektorlardy tikelei satyp alatyny anyqtaldy. Usynylatyn paranyń mólsheri de erekshe nazar aýdarýdy qajet etedi. Jasotandyqtardyń deregine súiensek, Qazaqstan boiynsha sessiiany jabý baǵasy - 22 myń teńge, bir pándi tapsyrý - 14 myń bolsa, kýrstyq jumys 32 myń teńge turady eken.
«Diplom jumysyn óte jaqsy deńgeide qorǵap shyǵý úshin 105 myń teńge tóleý jetkilikti, al aqyly bólimnen grantpen oqý bólimine aýysý úshin 400 myń teńge berýge tiissiz. Bul - adamnyń aqylyna syimaityn dúnie», – deidi «Jas Otan» jastar qanatynyń tóraǵasy.
Saýalnama taldanyp bitken soń barlyq aqparat «Jas Otan» tarapynan QR Bilim jáne ǵylym ministrligine joldanatyn usynys hatta kórsetiletinin atap ótýge bolady.
Esterińizge sala keteiik, «Nur Otan» partiiasy saiasi keńesiniń keńeitilgen otyrysynda Elbasy, partiia tóraǵasy Nursultan Nazarbaev JOO jemqorlyqty joiýdy tapsyrǵan bolatyn.
Sonymen qatar, partiianyń sybailas jemqorlyqqa qarsy is-qimyldyń 2015-2025 jyldarǵa arnalǵan baǵdarlamasy aiasynda nurotandyqtar paraqorlyqpen kúresip kele jatyr.
