Iz-túzsiz joǵalyp ketken qyzdardyń birine qatysty izdeý jumystary qaiǵyly aiaqtaldy. Enisei ózeniniń jaǵasynan kámeletke tolmaǵan qyzdyń denesi tabyldy, dep habarlaidy ult.kz, dalanews.kz-ke silteme jasap.
Óńirlik tergeý basqarmasynyń aldyn ala málimetinshe, tabylǵan máiit 1 shilde kúni joǵalyp ketken eki qyzdyń biri bolýy múmkin. Habarlama túskennen keiin oqiǵa ornyna jedel-tergeý toby jiberilip, aýmaq qorshaýǵa alyndy. Quqyq qorǵaý organdary qajetti tekserý jumystaryn bastap, máiittiń jeke basyn anyqtaý úshin tergeý áreketterin júrgizip jatyr.
Tergeýshiler men kriminalister oqiǵanyń barlyq mán-jaiyn anyqtaýǵa kirisken. Qazirgi ýaqytta qyzdyń naqty kim ekeni saraptamadan keiin belgili bolady.
Al ekinshi joǵalyp ketken balanyń taǵdyry týraly ázirge resmi aqparat jariialanǵan joq.
Aita keteiik, atalǵan qaiǵyly oqiǵa Resei Federatsiiasynyń Tyva Respýblikasynda, Qyzyl aýdanyna qarasty Sýkpak aýyly mańynda bolǵan. Qazirgi ýaqytta izdeý jáne tergeý jumystary jalǵasyp jatyr.
