QR Premer-Ministriniń oranbasary Eraly Toǵjanov Májilis depýttary M. Ahmetov pen E. Beisenbaevtyń «Serpin» baǵdarlamasyna qatysty joldaǵan saýalyna jaýap berdi, dep habarlaidy QazAqparat.
«2014 jyldan bastap QR Bilim jáne ǵylym ministrligi QR Tuńǵysh Prezidentiniń tapsyrmasyn oryndaý úshin oblystardyń, Nur-Sultan, Shymkent jáne Almaty qalalarynyń ákimdikterimen birlesip, «Serpin» júzege asyrýda. Joba Aqmola, Aqtóbe, Atyraý, Shyǵys Qazaqstan, Batys Qazaqstan, Qaraǵandy, Qostanai, Pavlodar, Soltústik Qazaqstan siiaqty 9 oblystyń 26 joǵary oqý oryndarynda iske asyrylýda. Kadrlardy daiarlaý pedagogikalyq, tehnikalyq jáne aýyl sharýashylyǵy mamandyqtar boiynsha júzege asyrylady. Aýyl jastaryn qabyldaý kvotasy memlekettik tapsyrystyń jalpy kóleminen 10%-dy quraidy», - dep jazylǵan vitse-premerdiń jaýabynda.
Eraly Toǵjanov depýtattarǵa bergen jaýabynda «Serpinge» bólinetin grattardyń sany jyl saiyn kóbeie túsetinin aitqan.
«2021-2024 jyldary «Serpin» baǵdarlamasy boiynsha kadr daiarlaýǵa 20 624 grant kóleminde memlekettik bilim berý tapsyrysy bekitildi. Sonymen qatar, Nur Otan partiiasynyń «Ózgerister joly: Ár azamatqa laiyqty ómir» sailaýaldy baǵdarlamasyn iske asyrý aiasynda «Serpin» baǵdarlamasyna memlekettik tapsyrys 2025 jylǵa qarai daiarlaýdyń pedagogikalyq baǵyttary boiynsha taǵy 2000 grantqa ulǵaitylady. Osylaisha, ministrlik joǵary bilimi bar kadrlardy daiarlaýǵa arnalǵan memlekettik bilim berý tapsyrysynyń jalpy kóleminen kelesi úsh oqý jylyna 10% kvota bólý jónindegi mindettemeni qamtamasyz etti», - delingen Premier-Ministrdiń orynbasary bergen jaýapta.
Eraly Toǵdanovtyń sózine qaraǵanda, 2020 jyly «Serpin» jobasy boiynsha joǵary jáne joǵary oqý ornynan keiingi bilim berý uiymdarynda 2 653 adam oqýdy aiaqtaǵan. Onyń ishinde óńirde 1566 adam nemese 59% jumysqa ornalastqan.
«Serpin» baǵdarlamasyn iske asyrý nátijesinde 2018-2021 jyldar aralyǵynda 7707 adam oqýdy aiaqtady. Onyń ishinde 5526 adam jumysqa ornalastyryldy (71,7%). 2018-2019 oqý jylyna 931 adam bitirdi, onyń ishinde 875 adam jumysqa ornalastyryldy (93,9%). 2019-2020 oqý jylyna bitirý - 4123 adam, onyń ishinde 3238 adam jumysqa ornalastyryldy (78,5%). 2020-2021 oqý jylynda 2653 adam bitirdi, onyń ishinde 1413 adam jumysqa ornalastyryldy (53,2%). Joba túlekterin odan ári jumysqa ornalastyrý boiynsha tiisti jumystar júrgizilýde», - deidi Eraly Toǵjanov.
