QR Ekologiia, geologiia jáne tabiǵi resýrstar ministri Serikqali Brekeshev Qazaqstan aýmaǵynda atom elektr stansasyn salý máselesine qatysty pikir bildirdi, dep habarlaidy QazAqparat.
«AES boiynsha jobalyq-smetalyq qujattama túsken kezde qorshaǵan ortaǵa áserin baǵalaý baǵytyndaǵy ekologiialyq saraptama júrgizip baryp óz pikirimizdi resmi jariialaimyz. AES salý jobasy qolymyzǵa tigennen keiin ǵana resmi ustanymymyzdy bildiremiz», - dedi ministr brifing barysynda .
Osy jiynda Ekologiia ministri Óskemendegi zaýyt tóbesinde paida bolǵan qyzǵylt tútinge qatysty túsinikteme berdi.
«Búgin saǵat 12.00-de Ekologiia departamentine áleýmettik jeli arqyly «TMK» AQ aýmaǵynda yqtimal apat týraly málimet kelip tústi. Jaǵdaidy anyqtaý úshin Ekologiia departamenti saǵat 12.15-te qural-jabdyqtarmen synama alý úshin sanitarlyq aimaqqa baryp, aýa quramyndaǵy ziiandy zattardyń bar-joǵyn tekserdi. Synama qorytyndysy boiynsha hlordyń mólsheri bekitilgen norma sheginen asqany asqany belgili boldy. Kelip túsken aryz boiynsha jospardan tys tekserý bastaldy. Onyń qorytyndysy qosymsha habarlanady», - dedi Serikqali Brekeshev.
