Foto: Qrnews.kz
Qaraǵandy qalasynda sport salasynyń jetekshileri qatysqan janjalǵa bailanysty qylmystyq is qozǵaldy. Oqiǵa 21 qańtar kúni keshki ýaqytta Buqar jyraý dańǵyly boiynda bolǵan, dep habarlaidy Ult.kz tilshisi Qrnews-ke silteme jasap.
Aldyn ala málimetke sáikes, Qaraǵandy oblysynyń dene shynyqtyrý jáne sport basqarmasynyń basshysy, Olimpiada chempiony Serik Sápiev dene jaraqatyn alǵan. Janjalǵa qatysy bar ekinshi tulǵa – onyń orynbasary, sambodan Aziia jáne álem chempiony Dáýren Esimhanov.
Redaktsiiaǵa kelip túsken málimet boiynsha, atalǵan oqiǵaǵa qatysty densaýlyqqa qasaqana ziian keltirý deregi boiynsha qylmystyq is tirkelgen. Qazirgi tańda jábirlenýshiniń alǵan jaraqatynyń aýyrlyq dárejesin anyqtaý úshin sot-meditsinalyq saraptama taǵaiyndaldy. Saraptama qorytyndysy istiń quqyqtyq baǵasyn aiqyndaýǵa negiz bolady.
Janjaldyń naqty neden shyqqany ázirge jariia etilmedi. Quzyrly organdar oqiǵanyń barlyq mán-jaiyn anyqtaý úshin tergeý amaldaryn júrgizip jatyr.
