Eldegi iri sý qoimalaryna jinalǵan sýdyń tolymdyǵy 70-75 paiyz mólsherinde. Eger qar kúrt erise, bosatylatyn sýdyń kólemi aitarlyqtai artýy múmkin, dep habarlaidy "Ult aqparat".
Osyǵan bailanysty jergilikti qyzmetter eldi mekenge jýyq qoimalardan bosatylǵan sýdyń arnalaryn arshý jumystaryna muqiiat qaraý kerek. Ortalyq kommýnkatsiialar qyzmetinde Ekologiia, geologiia jáne tabiǵi resýrstar ministriniń orynbasary Serik Qojaniiazov osyndai eskertý aitty.
«Sý tasqyny kezeńi bastalǵanǵa deiin sý qoimalarynda ylǵal jinaqtaldy. Búgingi kúni iri sý qoimalarynyń ortasha tolymdyǵy 70-75 paiyzdy quraidy. Úlken sý tasqyndary kelgen jaǵdaida olar tranzittik rejimde jumys isteitin bolady.
Sý qoimalarynyń rejimine kúndelikti monitoring belgilengen. Barlyq respýblikalyq nysandarda táýlikti kezekshilik uiymdastyrylǵan. Biyl qardyń kóp jaýǵanyn eskersek, kúrt erigen jaǵdaida sý qoimalarynan bosatylatyn ylǵal kólemi edýir artýy múmkin. Sondyqtan jergilikti ákimdikter eldi mekenderge jaqyn ornalasqan nysandardyń bosatylatyn sýdyń arnalaryn arshý jumystaryna kóp kóńil bólý kerek», - dedi vedomstvo ókili.
Serik Qojaniiazov 2020 jyldyń kúzinen bastap gidrotehnikalyq qurylystarǵa tekserý júrgizilgenin atap ótti. Sol tekserýler qorytyndysy boiynsha basseindik inspektsiialar gidrotehnikalyq nysan ielerine tasqyn sýlardy qaýipsiz ótkizý jóninde qajetti materialdar men tehnika daiyndaý kerektigi týraly eskertýler beripti.
«Búgingi kúni kommýnaldyq jáne jeke gidrotehnikalyq nysandardyń bos oryndaryn toltyrý, ózenderdiń arnalaryn tazalaý, inenerlik qorǵanystardy jóndeý jáne qurý boiynsha buryn berilgen usynystardyń oryndalýy baqylap otyrmyz», - dedi vitse-ministr.
