Jańa jyl qarsańynda Reseidiń syrtqy ister ministri Sergei Lavrov RIA Novostige bergen suhbatynda aldaǵy jyly syrtqy saiasattaǵy halyqaralyq jaǵdaidyń damýy nege bailanysty bolatynyn aityp berdi.
"Kelesi jylǵa boljam jasaý ońai emes. Kóp nárse batystyq seriktesterdiń, eń aldymen Vashingtonnyń bopsalaý, qysym jasaý, birjaqty sanktsiialardan bas tartýyna, halyqaralyq quqyqty saqtai bastaýyna, tutastai alǵanda qazirgi zamannyń kóptegen túiinin tiimdi tarqatý úshin ózara qurmetke negizdelgen dialog jolyna túsýge daiyn bolýyna bailanysty bolady", - dedi Lavrov.
Onyń aitýynsha, Resei óz tarapynan álemdik isterdegi biriktirýshi bastamalardy nyǵaitýǵa, jahandyq jáne aimaqtyq qaýipsizdikti saqtaýǵa, Siriiadaǵy nemese kórshiles Ýkrainadaǵy bolsyn, kóptegen daǵdarystar men qaqtyǵystardy turaqty saiasi jáne diplomatiialyq jolmen eńserýge óz úlesin qosady.
"Osy maqsatta biz BUU jáne G20 siiaqty jahandyq basqarý qurylymdaryndaǵy múshe bolý áleýetimizdi, sondai-aq BRIKS pen ShYU-ǵa tóraǵalyq etý múmkindikterimizdi paidalanamyz", - dep atap ótti Reseidiń syrtqy ister ministri.
"Biz reseilik-amerikalyq dialogtyń perspektivalaryna, ásirese, AQSh-taǵy kúrdeli ishki saiasi jaǵdai men aldaǵy prezident sailaýynda shynaiy kózben qaraimyz", - dep tolyqtyrdy ol.
Onyń paiymynsha, Resei óz qaýipsizdigin, azamattar men biznestiń múddelerin qamtamasyz etý úshin jáne agressiialyq áreketterge laiyqty jaýap berý úshin barlyq sharany qoldanýdy jalǵastyrady.
"Biz elimiz ben búkil álem úshin mańyzdy máselelerdiń sheshimin tabýǵa daiynbyz", - dep túiindedi Sergei Lavrov.
