Qazgidromet 31 shildege arnalǵan aýa raiy boljamyn jariialady, dep habarlaidy "Ult aqparat".
Qazaqstan aýmaǵynyń basym bóliginde atmosferalyq frontaldy bólikterdiń ótýimen naizaǵai bolyp, ótkinshi jańbyr jaýady, soltústiktiń kei jerlerinde burshaq kútiledi. Tek elimizdiń batysynda jáne ońtústiginde antitsiklon jotalarynyń áserinen jaýyn-shashynsyz aýa raiy saqtalady. Respýblika boiynsha kei jerlerde jeldiń kúsheiip, ońtústik jáne ońtústik-shyǵysta shańdy daýyl soǵady.
Jambyl oblyynyń kei jerlerinde shańdy daýyl kútiledi, jel 15-20, kúndiz ekpini 25 m/s kúsheiedi. Túrkistan oblysynyń kei jerlerinde jel 15-20, ekpini 23 m/s, shańdy daýylmen kútiledi. Almaty oblysynyń kei jerlerinde burshaq kútiledi, jel 15-20 m/s jyldamdyqpen soǵady.
Almaty, Batys Qazaqstan, Qostanai, Soltústik Qazaqstan, Pavlodar oblystarynda, kúndiz Qaraǵandy obysynyń kei jerlerinde jel 15-20 m/s kúsheiedi. Kúndiz Qyzylorda oblysynyń kei jerlerinde jel 15-20 m/s shańdy daýyl soǵady.
Kúndiz Atyraý, Aqtóbe oblystarynda, Batys Qazaqstan, Mańǵystaý, Qostanai, Qaraǵandy oblystarynyń kei jerlerinde qatty ystyq kútiledi.
Qyzylorda, Túrkistan, Mańǵystaý, Jambyl oblystarynyń basym bóliginde, Atyraý, Almaty, Aqtóbe, Qaraǵandy oblystarynyń kei jerlerinde, Qostanai oblysynyń ońtústiginde, Aqmola, Shyǵys Qazaqstan oblystarynyń jekelegen aýdandarynda tótenshe órt qaýpi saqtalady.
