27 naýryzda Nur-Sultan qalasynda «Jer saǵaty» búkil ǵalamsharlyq aktsiiasy aiasynda 150-den astam nysan elektr qýatynan ajyratylady. Elordanyń kóptegen nysandary osy ýaqytta syrtqy sándik jaryqtaryn sóndiredi, dep habarlaidy "Ult aqparat" QR Indýstriia jáne infraqurylymdyq damý ministrliginiń Telegram kanalyna silteme jasap.
Aktsiianyń negizgi maqsaty – adamdardyń nazaryn ǵalamshar resýrstaryna jaýapty jáne uqypty qaraýǵa aýdarý. Jyl saiyn 180 elden milliondaǵan adamdar 1 saǵatqa jaryq pen elektr qurylǵylaryn sóndiredi.
Álemniń myńdaǵan sáýlet eskertkishteri: Eifel munarasy, Big Ben, Kolizei óz jaryqtaryn sóndiredi.
Qazaqstanda «Jer saǵaty» aktsiiasy jyl ótken saiyn tanymal bolyp keledi. Eger buryn bul naýqandy tek iri qalalar qoldasa, sońǵy eki jyl qatarynan eldiń barlyq óńirleri aktsiiaǵa qosylyp jatyr.
Aktsiianyń uiymdastyrýshylary: Ekologiia, geologiia jáne tabiǵi resýrstar ministrligi, Qazaqstannyń ekologiialyq uiymdarynyń qaýymdastyǵy, «Halyqaralyq jasyl tehnologiialar jáne investitsiialyq jobalar ortalyǵy» KEAQ, «Jasyl» ekonomika jáne G-Global-dy damytý koalitsiiasy» ZTB, «QazExpoCongress» ulttyq kompaniiasy» aktsionerlik qoǵamy, «Eco Fund Tabigat» qoǵamdyq qory, sondai-aq oblystyq, qalalyq jáne aýdandyq ákimdikter.
Jergilikti ýaqyt boiynsha 20:30-da elordada kelesi nysandardyń syrtqy sándik jaryǵy óshiriledi: Astana-Arena, Alaý Muz aidyny, Barys Arena, Qazmedia Ortalyǵy, Máńgilik El monýmenti (triýmfaldy arka), NUR ALEM bolashaq energiiasy murajaiy, Astana Opera opera jáne balet teatry, Saraishyq kóshesindegi M2 kópiri, Syǵanaq kóshesindegi M3 kópiri, Astana-Báiterek monýmenti, Talan Towers BO, «QTJ» AQ ǵimaraty, Nur-Álem sferasy, Han ShatyrSOO, «Ailand» ODO, Mega Silk Way SOO, «Sary arqa» SOO, Nazarbaev Ýniversitet, «Jekpe-Jek» SK, «Aq Orda» Prezident Rezidentsiiasy, Haziret Sultan meshiti, QR Ulttyq murajaiy, Shabyt shyǵarmashylyq saraiy, Táýelsizdik saraiy, Beibitshilik jáne kelisim saraiy, Qazaq Eli monýmenti, Oqýshylar saraiy, IIM ǵimaraty, sondai-aq 150-den astam turǵyn úi keshenderi.
