22 mamyrda batys antitsiklonynyń áserinen Qazaqstan aýmaǵynyń basym bóliginde qubylmaly aýa raiy saqtalady, dep habarlaidy "Ult aqparat".
«Qazgidromet» RMK málimetinshe, elimizdiń tek ońtústigi jáne shyǵysynda atmosferalyq fronttarǵa bailanysty kei jerlerde ótkinshi jańbyr jaýady.
Respýblikanyń kei jerlerinde tuman túsip, jel kúsheiedi.
Ońtústikte, ońtústik-batysta jáne batysta shańdy daýyl soǵady.
Qyzylorda oblysynyń kei jerlerinde shańdy daýyl, túnde kei jerlerde jeldiń kúshi 23 m/s jetedi.
Túrkistan oblysynyń kei jerlerinde shańdy daýyl turady, kúndiz jel ekpini - 23 m/s.
Kúndiz Almaty oblysynyń kei jerlerinde jel qarqyny 15-20 m/s deiin kúsheiedi, Jalańashkól aýdanynda - 25 m/s.
Jambyl oblysynyń kei jerlerinde tuman túsedi, jeldiń kúshi 15-20 m/s jetedi, kúndiz burshaq jaýýy múmkin.
Atyraý, Batys Qazaqstan oblystarynda, kúndiz Mańǵystaý, Shyǵys Qazaqstan, Pavlodar oblystarynyń kei jerlerinde jel ekpini - 15-20 m/s.
Atyraý, Mańǵystaý oblystarynda shańdy daýyl soǵady.
Pavlodar oblysynda túnde tuman bolady.
Soltústik Qazaqstan oblysynyń kei jerlerinde túnde jáne kúndiz tuman túsedi.
Túnde Shyǵys Qazaqstan oblysynyń kei jerlerinde 2 gradýs úsik júredi.
Qyzylorda oblysynyń basym bóliginde, Atyraý, Almaty oblysynyń kei jerlerinde, Shyǵys Qazaqstan, Pavlodar, Qostanai oblystarynyń jekelegen aýdandarynda óte joǵary órt qaýpi saqtalady.
