Senatta «2006 jylǵy 3 qazandaǵy QR Úkimeti men RF Úkimeti arasyndaǵy Qazaqstannyń jáne Reseidiń shekara mańyndaǵy aýmaqtary turǵyndarynyń Qazaqstan-Resei memlekettik shekarasyn kesip ótý tártibi týraly kelisimge ózgerister engizý týraly hattamany ratifikatsiialaý týraly» zań jobasyn talqylandy, dep habarlaidy QazAqparat.
Hattama Resei shekarasynyń mańynda turyp jatqan qazaqstandyq azamattardyń Qazaqstan-Resei memlekettik shekarasyn kesip ótýi barysyn retteýge baǵyttalǵan jáne qujatty qabyldaý elimizdiń normativtik-qutyqtyq aktilerdegi ózgeristerge bailanysty.
Aita keteiik, Qazaqstannyń ishki zańnamasynda azamattardy tirkeý kitabynyń kúshin joiýyna jáne mekenjai anyqtamasynyń engizýine orai atalǵan kelisimge tiisti ózgerister engizý qajettigi týyndady. Bul ózgerister 2018 jyly 9 qarashada Petropavlda 15-shi Óńiraralyq yntymaqtastyq forýmynda qol qoiylǵan hattamamen engizildi.
«Buryn ótkize beketterinde jeke kýálik nemese tólqujat jáne tirkeý kitabynan úzindi kóshirmeler talap etiletin bolatyn. Al qazirgi tańda jeke kýálik nemese tólqujat, sondai-aq mekenjai anyqtamasy engizildi. Hattamany qabyldaý memlekettik biýdjetten qosymsha qarjy shyǵyndaryn talap etpeidi», - dedi QR Syrtqy ister ministriniń orynbasary Marat Syzdyqov Parlament Senaty Halyqaralyq qatynastar, qorǵanys jáne qaýipsizdik komitetiniń keńeitilgen otyrysynda.
Eki el arasyndaǵy shekara 7 500 shaqyrymnan asady jáne álemdegi eń uzyn shekara bolyp sanalady. Qazirgi ýaqytta Qazaqstan-Resei shekarasynda 51 ótkizý beketi bar. Olardyń 30-y avtokólik, 20-sy temirjol jáne taǵy bireýi ózen arqyly iske asyrylady. Sonymen birge, shekara mańyndaǵy turǵyndarǵa arnalǵan 86 ótkizý beketteri jumys atqarýda.
Talqylaýdan keiin komitet músheleri atalǵan zań jobasyn Senattyń jalpy otyrysynyń qaraýyna shyǵarý týraly sheshimdi qabyldady.
