Senatta Qarjy jáne biýdjet komitetiniń keńeitilgen otyrysynda «Eýraziialyq ekonomikalyq odaqqa múshe memleketterdiń qarjy naryǵy salasyndaǵy zańnamasyn úilestirý týraly kelisimdi ratifikatsiialaý týraly» zań jobasy qaraldy, dep habarlaidy "Ult aqparat".
Senattyń baspasóz qyzmetinen málim etkendei, sharaǵa Qazaqstan Respýblikasynyń Ulttyq banki, Ádilet, Syrtqy ister, Saýda jáne integratsiia ministrlikteriniń ókilderi, basqa komitetterdiń depýtattary men Senat apparatynyń qyzmetkerleri qatysty.
Komitet tóraǵasy Olga Perepechinanyń aitýynsha, qujatty ratifikatsiialaý bank, saqtandyrý sektorlarynda, baǵaly qaǵazdar kórsetiletin qyzmetterdiń litsenziialaryn ózara tanýdy qamtamasyz etýge, sondai-aq Odaqqa múshe memleketterdiń qarjy naryqtaryna kemsitýshiliksiz qol jetkizýge múmkindik beredi.
Ulttyq bank tóraǵasynyń orynbasary Esjan Birtanov osy zań jobasyn qabyldaýdaǵy negizgi baǵyttardy belgiledi.
«Zańdy júzege asyrý memlekettik biýdjetten qarjy shyǵyndaryn qajet etpeidi. Jeke tulǵalar úshin qarjy qyzmetterine qol jetkizýdi arttyrýǵa, al kásipkerlik sýbektileri men memleket úshin ákimshilik kedergilerdi azaityp, otandyq qyzmet berýshilerdiń básekege qabilettiligin arttyrý áleýmettik-ekonomikalyq oń yqpal etedi», - dedi ol.
Qujat Palata qaraýyna jiberildi.
