Parlament Senatynyń jalpy otyrysynda «Qazaqstan Respýblikasynyń keibir zańnamalyq aktilerine erekshe qorǵalatyn tabiǵi aýmaqtar máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaidy QazAqparat.
Zań jobasy erekshe ekologiialyq, ǵylymi, tarihi-mádeni jáne rekreatsiialyq qundylyǵy bar erekshe qorǵalatyn tabiǵi aýmaqtardyń jerin kúzetýge jáne qorǵaýǵa baǵyttalǵan.
«Búginde eldiń ekonomikalyq damý qarqynynyń ósýi jáne tabiǵi resýrstardy paidalanýdy kúsheitý jaǵdaiynda biologiialyq ártúrlilik elementi retinde biregei tabiǵi resýrstardy saqtaý júiesin odan ári jetildirý máselesi ózekti bolyp otyr. Qaralyp otyrǵan zań jobasynyń negizgi maqsaty - týrizm obektilerin jáne erekshe strategiialyq mańyzy bar qurylystardy salý jáne olardyń jumys isteýi úshin buryn shyǵarylǵan ári maqsaty boiynsha paidalanylmaǵan jerlerdi erekshe qorǵalatyn tabiǵi aýmaqtar quramyna qaitarý rásimin ońailatý. Is júzinde mundai jaǵdailar «Býrabai» memlekettik ulttyq tabiǵi parkiniń jáne Ile-Alataý memlekettik ulttyq tabiǵi parkiniń jerlerinde oryn alyp, maqsaty boiynsha paidalanylmaǵan bosalqy jerlerdi erekshe qorǵalatyn tabiǵi aýmaqtar jerleri quramyna qaita aýystyrý máselesi bar», - dedi senator Ábdáli Nuraliev.
Qaralyp otyrǵan zań jobasyń qabyldaý arqyly atalǵan máselelerdi sheshýmen qatar: erekshe ekologiialyq, ǵylymi, tarihi-mádeni qundylyǵy bar ári keri qaitarylatyn jer ýchaskelerinde ornalasqan tabiǵi keshenderdi jáne tabiǵi-qoryq obektilerin saqtaý, ekologiialyq týrizmdi damytý men tabiǵat qorǵaý mekemeleriniń óz qarajatyn ulǵaitý múmkindikteri bolady kútilýde.
«Bizdiń paiymdaýmyzsha, Úkimet bekitetin qaǵidalarda: jer ýchaskesin qabyldap alatyn Komissiia qurylýy, qaitarylatyn jerlerdiń jaǵdaiyn anyqtaý úshin arnaiy izdestirý jumystaryn júrgizilýi, orman ornalastyrý jobasynyń jasalýy qarastyrylýy qerek», - dedi depýtat.
