Aldaǵy 17 qyrkúiekte ótetin jalpy otyrysta Senat depýtattary «Qazaqstan Respýblikasynyń keibir zańnamalyq aktilerine sybailas jemqorlyqqa qarsy is-qimyl máseleleri boiynsha ózgerister men tolyqtyrýlar engizý» týraly zań jobasyn ekinshi oqylymda qaraidy. Bul týraly búgin Senat tóraǵasy Máýlen Áshimbaevtyń tóraǵalyǵymen ótken Biýro otyrysynda belgili boldy, dep habarlaidy "Ult aqparat".
Talqylaý barysynda palatanyń kezekti otyrysynyń kún tártibi boiynsha usynystar qaraldy. 17 qyrkúiekte senatorlar sybailas jemqorlyqqa qarsy is-qimyl salasyna qatysty zańnamany jetildirý máselesin talqylaidy. Zań jobasynyń basty mindeti – sybailas jemqorlyqtyń júieli túrde aldyn alý boiynsha qosymsha sharalar engizý. Sondai-aq, aldaǵy jalpy otyrysta «Qazaqstan Respýblikasynyń keibir zańnamalyq aktilerine erekshe qorǵalatyn tabiǵi aýmaqtar máseleleri boiynsha ózgerister men tolyqtyrýlar engizý týraly» zań jobasyn qaraý josparlanyp otyr.
Sonymen qatar, senatorlar QR Parlamenti Senatynyń 2020 jylǵa arnalǵan negizgi is-sharalar josparyna ózgerister men tolyqtyrýlar engizdi. Odan bólek, Biýro otyrysynda Májilisten túsken zań jobalary komitetterge bólinip berildi.
Halyqaralyq qatynastar, qorǵanys jáne qaýipsizdik komiteti «2007 jylǵy 27 maýsymdaǵy Shanhai yntymaqtastyq Uiymyna múshe memleketter arasyndaǵy birlesken áskeri oqý-jattyǵýlar ótkizý týraly kelisimge tolyqtyrýlar engizý týraly hattamany ratifikatsiialaý týraly» zań jobasy boiynsha bas komitet bolyp belgilendi.
Qarjy jáne biýdjet komitetine «2012 jylǵy 3 mamyrda Liýksembýrgte qol qoiylǵan Hattamamen engizilgen ózgeristerdi eskere otyryp, 2008 jylǵy 26 maýsymda Astanada qol qoiylǵan Qazaqstan Respýblikasynyń Úkimeti men Liýksembýrg Uly Gertsogtiginiń Úkimeti arasyndaǵy Tabys pen kapitalǵa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly konventsiiaǵa tolyqtyrý engizý týraly hattamany ratifikatsiialaý týraly» zań jobasy tapsyryldy.
Bas komitetterge turaqty komitetterdiń usynystaryn jinaqtaý jáne qorytyndylar daiyndaý júkteldi.
