Qasym-Jomart Toqaevtyń tóraǵalyǵymen ótken Senat otyrysynda senator S. Eńsegenov Úkimet basshysyna 14 naýryzdy Kórisý kúni merekesi dep belgileý týraly depýtattyq saýalyn jariia etti.
Ár jyldyń on tórtinshi naýryz kúni toilanatyn Kórisý merekesi - elimizdiń batys óńirinde san ǵasyrlardan sanaǵa sińisti bolyp, urpaqtan - urpaqqa jalǵasyp kele jatqan mereke.
Halyqty yntymaqqa, baýyrmaldyqqa, keshirimshildikke, meiirimdilikke, imandylyqqa úndeitin merekeni búkil el bolyp atap ótetin meiramdar tizbesine engizý týraly senatordyń depýtattyq saýalynyń tolyq mátini tómendegidei.
Kóktemniń alǵashqy jylýymen qatar keletin osy kúni halyq aq tilegin aityp, jasy kishileri jasy úlkenderge arnaiy baryp, qushaqtasyp kórisip, árbir otbasynyń amandyǵyn, eldiń tynyshtyǵyn, isteriniń berekeli bolýyn tileidi. Árbir shańyraq tańnyń atýymen dastarhanyn jaiyp qonaq kútedi, qariialar men ájeler batasyn beredi.
Qytymyr qystan aman - esen shykqqan halyq jerdiń býsanyp, maldyń tóldep, jemis terekteriniń búrshik jarǵanyn kórip aldaǵy kúnderin jaksylyqqa joryp, bolashaqtyń qamyn birlese aqylǵa salady. Kóne kóz qariialar osy kúni kóterem bolyp jatyp qalǵan maldyń baýyryn jerden kóteretinin aitady.
Zamanynda Kórisý elimzdiń barlyq aimaqtarynda bolǵan, halqymyzǵa keńinen taralǵan. Biraq, ár túrli sebeptermen ótken ǵasyrdyń otyzynshy jyldarynan bastap bul dástúr kei jerlerde umytyla bastaǵan.
Qazirgi mezgilde, ol Qazaqstannyń basqa da oblystaryna taralyp, arnaiy ic-sharalar uiymdastyrylyp júr. Buǵan ásirese, batys óńirlerindegi iri shet eldik, birlesken kásiporyndar, shet el azamattary men birge eldegi barlyq etnos ókilderi belsene qatysýda. Búgin Kórisý - jekelegen aimaqtyń nemese tek qazaq halqynyń meiramy emes. Onyń aýmaǵy men aýqymy ósip, Eldiń qoǵamdyk ómirindegi roli arytyp keledi. Shyn máninde ol azamattarymyzdyń dástýrli túrde atalyp ótetin merekesine ainaldy. Alys - jaqyn shet memleketterde júrgen azamattarymyz da osy ataýly kúndi merekelep, sheteldikterge tanystyrýda.
Adamdy baýyrmaldyqqa, kisilikke, kishilikke, izgilikke, jasampazdyqqa, jaksylyqqa tárbieleitin, tamyry tereńge ketken, halqymzǵa bereri mol, rýhani qýaty erekshe-dástúrli túrde atalyp júrgen Kórisý kúnin resmi túrde ainalymǵa engizý jóninde pikirler aitylýda.
Qazaqstan Respýblikasynyń "Qazaqstan Respýblikasyndaǵy merekeler týraly" zańyna sáikes elimizde ulttyk, memlekettik, kásibi jáne ózge de merekeler atalyp ótiledi.
Osy zańnyń 4 babyna sáikes kásibi jáne ózge de merekelik kúnder tizbesin Qazaqstan Respýblikasynyń Úkimeti belgileidi.
Osylai dei kelip senator S. Eńsegenov halqymyzdyń salt-dástúrin qoldaý jáne ony dáripteý maqsatynda 14 naýryzdy Kórisý kúni merekesi dep belgileý jóninde usynys engizetinin jariialady jáne Úkimet basshysynan tiisti memlekettik organdarǵa tapsyrma berýdi surady.
Ádilbek Qaba
