Senat depýtaty Altynbek Nýhuly Naýryz merekesin toilaý kúnderinde elge oralǵan qandastardyń otbasylary men basqa etnos ókilderine qazaqstandyq pasportty saltanatty tapsyrý rásimin dástúrge ainaldyrýdy usynyp otyr. Bul týraly depýtat Úkimetke joldaǵan saýalynda aitty, dep habarlaidy "Ult aqparat".
Senattyń jalpy otyrysynda depýtat áz Naýryzdy toilaýǵa qatysty birneshe usynysyn jariia etti. Senator eriktilerdiń belsendi qatysýymen ótetin «Naýryz meiirimi» jalpyulttyq aktsiiasy sekildi sharalarynyń mańyzyn atap ótti.
«Jas urpaqqa ekologiialyq tárbie berý úshin aýmaqtardy abattandyrý, bulaqtardyń kózin ashý men aǵash otyrǵyzýdy dástúrge ainaldyrý qajet. Ońtústik óńirlerde Naýryz merekesinde jáne mundai aktsiiany qolaily klimat keshirek keletin soltústik óńirlerde keiinirek uiymdastyrý qajet dep sanaimyz. Sonymen qatar, elge oralǵan qandastardyń otbasylary men basqa etnostardyń ókilderine mereke kúnderi qazaqstandyq pasportty saltanatty tapsyrý rásimi engizilse, simvoldyq túrǵydan quba-qup bolar edi», - dedi Altynbek Nýhuly.
Zaman talabymen úndesetin buqaralyq sharalardy óskeleń urpaqqa, qasterli Otanyń men otbasyńa, týǵan topyraǵyńa súiispenshilikpen nasihattaý mańyzdy.
Depýtattyń sózine qaraǵanda, Naýryzdyń ideialyq mazmunyn balalar men jastar aýditoriiasyna áleýmettik jeli jáne ózge de keńistiktegi sharalar arqyly sińirýdiń máni airyqsha.
Senator óz saýalynda ulttyq qundylyqtardyń nasihaty men rýhani damý, memlekettik tildiń mártebesin arttyrý taqyrybyndaǵy ózekti oilaryn ortaǵa saldy.
