foto: Tengrinews.kz
QR Parlamanet Senatynyń jalpy otyrysynda «QR Úkimeti men RF Úkimeti arasyndaǵy «Mineraldyq tyńaitqyshtar zaýytyn salý jáne paidalaný» jobasyn iske asyrý týraly kelisimdi ratifikatsiialaý týraly» QR Zańynyń jobasy qabyldandy, dep habarlaidy QazAqparat.
Qujatty Senat ókilderine QR Indýstriia jáne infraqurylymdyq damý ministri Beibit Atamqulov tanystyrdy.
«Kelisim Jambyl oblysynda fosfat shikiz mineraldyq tyńaitqyshtar men ilespe indýstriialyq ónimder shyǵarýǵa deiingi tolyq óndiristik tsikli bar himiialyq keshenniń qurylysy men paidalanýyn qamtamasyz etetin qajetti investitsiialar jáne normativtik-quqyqtyq jaǵdailar jasaýdy kózdeidi. Jobany «Evrohimgrýpp» transulttyq ulttyq kompaniiasynyń enshiles kásiporyny – Reseidiń «Evrohim» kompaniiasy iske asyrady. Jobany iske asyrý eki kezeńde júzege asady», - dedi Beibit Atamqulov.
Aitýynsha, jobanyń birinshi kezeń aiaqtalǵan. Taý-ken kesheni paidalanýǵa berilip, onyń bazasynda jylyna 660 myń tonnaǵa deiin fosforit óndirý jolǵa qoiylǵan.
«Qýaty jylyna 640 myń tonna ortasha usaqtaý jáne usaq untaqtaý toraby salyndy. Investitsiia somasy 126 mln dollar boldy. Qazirgi tańda 550 jańa jumys orny ashyldy. Ekinshi kezeń óndiris qýaty jylyna keminde 1 mln tonna bolatyn mineraldy tyńaitqyshtar men indýstriialyq ónimder óndirý jónindegi himiialyq innovatsiialyq keshen salýǵa baǵyttalǵan. Qazirgi ýaqytta Qazaqstandaǵy «Evrohim» kompaniialar toby ekinshi kezeńdi ozyq qarjylandyrý sheńberinde 137 mln dollar investitsiialady. 16 mlrd 700 mln teńge salyq tólendi. 24 dollar kóleminde óńirdiń ekonomikalyq damýyna aýdarymdar túrinde tólendi», - dedi ministr.
Sondai-aq, ol jobany iske asyrý Qazaqstan ekonomikasyna tigizetin oń áserin atady.
Olar:
- 1 mlrd dollardan kem emes tikelei investitsiia tartý;
- Jańa jumys oryndaryn qurý. Onyń ishinde qurylys kezinde 2000-ǵa deiin jańa jumys oryndaryn paidalaný arqyly keminde 1200 jańa jumys ornyn qurý;
- Eldiń jalpy ishki ónimin 5 jyl ishinde shamamen 2,2mlr dollaryna arttyrý;
- Eksport jáne eksporttyq túsim kólemin ulǵaitý;
- Memleket biýdjetine salyq túsimderin 200 mlrd teńgege ulǵaitý
- Qaldyqsyz tehnologiia boiynsha qýaty jylyna keminde 1 mln tonna mineraldyq tyńaitqyshtar men indýstriialyq ónimder óndirisin uiymdastyrý;
- Jańatas jáne Qarataý monoqalalarynyń jedel damýyna yqpal etý;
- Mineraldyq tyńaitqyshtardyń importyn almastyrý.
Atalǵan kelisimdi ratifikatsiialaý týraly zań jobasyn qabyldaý týraly sheshimge daýys bergen depýtattar zańdy biraýyzdan qabyldady.
