Búgin Senattyń jalpy otyrysynda «Ónerkásiptik saiasat týraly» jáne «QR keibir zańnamalyq aktilerine ónerkásiptik saiasat máseleleri boiynsha ózgerister men tolyqtyrýlar engizý týraly» zań jobalary qabyldandy, dep habarlaidy QazAqparat.
«Memleket basshysy jaqynda ótken «Altyn sapa» jáne «Paryz» syilyqtary laýreattaryn marapattaý rásiminde «Ónerkásiptik saiasat týraly» zań qabyldaýdyń asa mańyzdy ekenin atap ótti. Osy rette búgin qabyldanǵan zańdar ónerkásiptik innovatsiialyq kásiporyndardy otandyq shikizatpen qamtamasyz etýdi jáne óńdeý ónerkásibin damytý úshin qolaily jaǵdai jasaýdy kózdeidi. Sondai-aq ónerkásipti memlekettik yntalandyrýdyń júieli is-sharalary aiqyndalady. Zańdardy qabyldaý otandyq ónerkásipti jańǵyrtýǵa tyń serpin beredi dep senemiz», - dep atap ótti Senat Tóraǵasy Máýlen Áshimbaev.
QR Indýstriia jáne infraqurylymdyq damý ministri Beibit Atamqulovtyń atap ótýinshe, zań jobasynyń negizgi maqsaty – básekege qabiletti, joǵary tehnologiialyq, eksportqa baǵdarlanǵan ónim óndirisin ulǵaitý jáne damýdyń shikizattyq modelinen aýysyp, óńdeýshi ónerkásiptiń turaqty damýyn qamtamasyz etý.
