Parlament Senatynyń jalpy otyrysynda «Qazaqstan Respýblikasy men Bolgariia Respýblikasy arasyndaǵy sottalǵan adamdardy berý týraly shartty ratifikatsiialaý týraly» Zańy qabyldandy, dep habarlaidy "Ult aqparat".
«Buǵan deiin Qazaqstan men Bolgariia arasynda adamdardy ustap berý jáne qylmystyq ister boiynsha quqyqtyq kómek týraly sharttarǵa ratifikatsiia jasaldy. Endi sońǵy kelisimdi usynyp otyrmyz – ol sottalǵan adamdardy berý týraly. Qylmystyq salada áriptestik osy Shartpen aiaqtalmaq. Kelisim halyqaralyq tájiribede qalyptasqan úlgi negizde jasalǵan. Shart, el aýmaǵynan tys jerlerde júrgen azamattarymyzdy qorǵaý jáne olarǵa qamqorlyq jasaý týraly kontitýtsiialyq mindetterdi oryndaýǵa baǵyttalǵan», - dedi QR Bas prokýrorynyń orynbasary Marat Ahmetjanov.
Kelisimniń basty erejesi – sottalǵan adamdardy óz elinde jazasyn óteý úshin berý jáne olarmen almasý tártibin retteý.
«Endi onyń talaptaryna toqtalsaq. Sottalǵan adamdy berý úshin eń aldymen sottalǵan adam eki eldiń biriniń azamaty bolýy tiis, eki elde de qylmys bolyp sanalatyn áreket úshin sottalǵan bolýy kerek, suraý alynǵan kezde úkim zańdy kúshine engen bolýy tiis jáne keminde 6 ai óteitin ýaqyty qalýy kerek. Sonymen qatar, sottalǵan adamnyń jazbasha kelisimi kerek jáne eki el de berýge kelisýi qajet. Osy aitylǵan talaptar saqtalmasa, adam berilmeidi», - dep túsindirdi ol.
Qazir elimizde de, Bolgariiada da sottalǵan azamattar joq. Jalpy eki el arasynda qarym-qatynas jaqsy damyp keledi.
«Bundai sharttar 21 elmen jasalǵan. Bul qujat adam quqyqtaryna tikelei qatysty. Sol sebepti «Qazaqstan Respýblikasynyń halyqaralyq sharttary týraly» Zańǵa sai ratifikatsiia jasaýǵa jatady», - dedi M. Ahmetjanov.
