Jasyl tús - tabiǵattyń, úilesimdilik pen tepe-teńdik simvolyn bildiredi, sondai-aq, qaita jańǵyrýmen bailanysty. Geraldika zańdary boiynsha kún ómir jolyn sipattaidy.
Gerbtiń ishinde baqyt simvoly túrindegi oiý-órnekpen kómkerilgen shańyraq beinesi beinelengen. Aiqas tórt bóliktiń arasynda kitap, qaraǵai, túie jáne kópirdiń sulbasy beinelengen. Bul barlyq tórt bóliktiń teńdiginiń dálelin bildiredi. Kitap Semei qalasyn Qazaqstannyń rýhani-mádeni ortalyǵy, Abai, Shákárim, kórnekti jazýshy Muhtar Áýezov syndy uly oishyldardyń Otany retinde kórsetedi.
Shańyraqtyń sol jaq bóliginde ornalasqan qaraǵai sýreti óńirdiń tabiǵi beinesiniń ajyramas bóligi retinde beinelengen (Semeide biregei qaraǵai ormany ornalasqan). Túieler - ǵasyrlar júgin arqalaǵan dala kemesindei, sondai-aq eski gerbtiń tarihi qundylyǵyn beineleidi. Revoliýtsiiaǵa deiin Semei qalasy Resei men Batys Qytai qalalarynyń saýda ortalyǵy bolǵan jáne Jibek jolynyń bóligi sanalǵan.
Jańa kópir - zamanaýi jetistikterdiń kórsetkishi jáne Semei qalasynyń kórikti jeri sanalady. "Semei" ataýy simvoldyń tómengi jaǵynda ornalasqan jáne altyn áriptermen jazylǵan.
Altyn tús - ál-aýqat pen órkendeýdiń simvoly. Sary jáne kók tústiń aralasýy jasyl túske ainalyp, jomarttyqtyń, jandanýdyń jáne jaqsy istiń bastamasynyń simvolyn bildiredi.
"Beibitshilik" aralynyń "Túiemoinaq" stelasyndaǵy jeti qarlyǵashtyń beinesi – qyryq jylǵy atom synaqtaryn jeńgeniniń aiqyn kórinisi sanalady. Qazaq halqy úshin jeti sany qasietti, kóptegen uǵymdar "Jeti urpaq", "Jeti Qara" jáne t.b. osy sanmen bailanysty.
Qarlyǵashtardyń shańyraqty ainala ushýy sheksizdikti, qalamyzǵa máńgilik beibitshilik pen kelisim tileidi. Olar óz uialaryn beibitshilik pen tynyshtyq ornaǵan gúldengen shańyraqqa salady. Osylaisha, Semei qalasynyń jańa gerbinde qalanyń rýhani, tarihi, tabiǵi jáne zamanaýi kelbeti kórinis tapqan.
Eltańbanyń avtory qalalyq mádeniet saraiynyń qoiýshy sýretshisi - Ámirbek Erlan Shaiahmetuly.
Buǵan deiin Abai oblysy Shyǵys Qazaqstan oblysynan bólinip shyqqan bolatyn. Semei qalasy oblys ortalyǵy boldy.
