«Semei ormany» tabiǵi rezervatyndaǵy qaraǵaily orman órtin sóndirý jumystary úsh ýchaskede júrip jatyr. Bul jaiynda QR IIM Tótenshe jaǵdailar komitetinen málim etti, dep habarlaidy "Ult aqparat".
Komitet málimetinshe, qazirgi ýaqytta orman alqabynyń 3 ýchaskesinde jáne jazyq dalalyq jerde órt sóndirilip jatyr. Oǵan oblystyq TDJ, «Semei ormany», «Ertis ormany» memlekettik orman tabiǵi rezervattarynyń kúshteri men quraldary, jergilikti atqarýshy organ ókilderi jumyldyrylǵan. Jalpy 300-den astam adam men 85-ten astam tehnika órtpen jumyldyrylǵan.
«Sý tógetin arnaiy qurylǵysy bar MI-8 tikushaǵymen órt áýeden sóndirilip jatsa, MI-2 tikushaǵynyń kómegimen jaǵdaidy baǵalaý úshin áýeden qaraý jáne órtti sóndirýge qatysty odan arǵy sheshimder qabyljaý júzege asyrylyp jatyr. Órt sharpyǵan boljamdy aýmaq shamamen 2 myń gektardy quraidy. MI-26T ushaǵy janarmai quiý úshin Semei qalasyna aialdady. Semeiden órt ornyna deiin shamamen 30 minýtta ushyp jetedi», - dedi vedomstvodan.
