Semei qalasynda jer úiden órt shyǵyp, 2 adam qaza boldy, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, 3 naýryzda saǵat 05:00 shamasynda Belibaev kóshesindegi jeke turǵyn úi otqa oranǵan. Oqiǵa ornyna shuǵyl kelip jetken órt sóndirýshiler úi ishinen 2 gaz ballanyn alyp shyqty.
«Jalyn sharpyǵan jalpy aýmaq 180 sharshy metrdi qurady. Barlaý júrgizý barysynda bólmeden 1946 jylǵy úi iesi men onyń 1976 jylǵy ulynyń denesi tabyldy», - delingen habarlamada.
Aldyn ala málimet boiynsha órttiń shyǵýyna – otpen abaisyz áreket etý, peshti paidalaný kezinde órt qaýipsizdigi erejelerin saqtamaý nemese elektr jabdyqtarynyń apattyq rejimde jumys isteýi sebep bolýy múmkin.
