© Photo : KChS
1 maýsymda Shyǵys Qazaqstan oblysy Semei mańynda bastalǵan iri orman órti oqshaýlandy, dep habarlaidy Sputnik Qazaqstan oblystyq tótenshe jaǵdailar departamentine silteme jasap.
Vedomstvo atap ótkendei, "Semei ormany" aýmaǵynda shyqqan órt saǵat 11:00-de oqshaýlandy.
"Órtti sóndirýge Shyǵys Qazaqstan oblysy tótenshe jaǵdailar departamentiniń, jergilikti atqarýshy organdardyń, áskeri bóliminiń ormanshylary men kúshteri jumyldyryldy. Barlyǵy jeke quramnan 399 adam jáne 85 birlik tehnika", – delingen vedomstvo habarlamasynda.
Departament málimetinshe, órtti sóndirýde qatty jel qiyndyq keltirgen.
"Boljam boiynsha órtke naiǵazai sebep bolǵan. Orman órti shamamen 200-250 ga aýmaqty qamtydy. Japa shekkender joq", – dedi TJD baspasóz qyzmeti.
Sondai-aq departament qyzmetkerleri tabiǵi órttiń týyndaý qaýpin tómendetý maqsatynda órt qaýipsizdigi talaptaryn saqtaýǵa shaqyrdy.
"Orman jáne dala alqaptarynan eldi mekenderge órttiń ótýine jol bermeý úshin janǵysh qoqystardy shyǵarý jáne eldi mekenderdiń aýmaqtaryn jinaý, qurǵaq ósimdikterden tazartý jáne mineraldanǵan jolaqtardy qalpyna keltirý boiynsha is-sharalar júrgizilýi tiis. Tabiǵi órt týyndaǵan jaǵdaida dereý órtke qarsy qyzmetke "101", "112" telefondary boiynsha habarlaý qajet", – dedi TJD baspasóz qyzmeti.
