Semeidegi Shákárim atyndaǵy memlekettik ýniversitette memleket jáne qoǵam qairatkeri Oljas Súleimenov atyndaǵy ortalyq ashyldy, dep habarlaidy Habar24kz.
Saltanatty rásimge aqynnyń ózi qatysyp, jastarǵa batasyn berdi. Munda qoǵam qairatkeriniń shyǵarmashylyǵymen tanysyp, ádebi otyrystar ótkizýge bolady. Al tanymal qalamger jas urpaqqa aǵartýshylyq jolda talmai eńbektenip, talaptanýdy tiledi.
«Ýniversitetke oqýǵa túsken jastar, qai mamandyqty tańdasa da, eń aldymen adamshylyq joldan taimaýy tiis. Ózin taný arqyly ózgege qyzmet etedi. Jańa ortalyq elimizdegi parasat-paiymy biik, otanshyl býyndy tárbieleýge úles qosady degen senimim mol», - dedi Oljas Súleimenov.
