Foto: videodan skrinshot
Semeide jeńil kólik pen lokomotiv soqtyǵysqan jol-kólik oqiǵasy boldy, dep habarlaidy Ult.kz.
Semeide bolǵan apat búgin túngi saǵat úsh shamasynda tirkelgen. Politsiia málimetinshe, 24 jastaǵy júrgizýshi Mercedes‑Benz kóligimen Karjaýbaiuly kóshesimen kele jatqan. Rettelmeitin temirjol ótkelinen óter kezde ol manevrdiń qaýipsizdigine kóz jetkizbei, temirjol relsterine shyǵyp ketken.
Sol sátte kólikke lokomotiv soǵylyp, jeńil avtokólikti belgili bir qashyqtyqqa deiin súirep ketken.
Abai oblysy Politsiia departamenti málimetinshe, kólik salonynda 19 jastaǵy qyz bolǵan. Ol meditsinalyq mekemede tekserilip, ómiri men densaýlyǵyna qaýip joq ekeni anyqtalǵan. Al júrgizýshige meditsinalyq kómek qajet bolmaǵan.
Politsiia júrgizýshini temirjol ótkelinen ótý erejelerin buzyp, kólik quraldaryna nemese ózge de múlikke ziian keltirgeni úshin ákimshilik jaýapkershilikke tartty.
Atalǵan baptyń sanktsiiasyna sáikes, júrgizýshi 9 aiǵa kólik júrgizý quqyǵynan aiyrylýy múmkin.
