فوتو: ۆيدەودان سكرينشوت
سەمەيدە جەڭٸل كٶلٸك پەن لوكوموتيۆ سوقتىعىسقان جول-كٶلٸك وقيعاسى بولدى, دەپ حابارلايدى Ult.kz.
سەمەيدە بولعان اپات بٷگٸن تٷنگٸ ساعات ٷش شاماسىندا تٸركەلگەن. پوليتسييا مەلٸمەتٸنشە, 24 جاستاعى جٷرگٸزۋشٸ Mercedes‑Benz كٶلٸگٸمەن كارجاۋبايۇلى كٶشەسٸمەن كەلە جاتقان. رەتتەلمەيتٸن تەمٸرجول ٶتكەلٸنەن ٶتەر كەزدە ول مانەۆردٸڭ قاۋٸپسٸزدٸگٸنە كٶز جەتكٸزبەي, تەمٸرجول رەلستەرٸنە شىعىپ كەتكەن.
سول سەتتە كٶلٸككە لوكوموتيۆ سوعىلىپ, جەڭٸل اۆتوكٶلٸكتٸ بەلگٸلٸ بٸر قاشىقتىققا دەيٸن سٷيرەپ كەتكەن.
اباي وبلىسى پوليتسييا دەپارتامەنتٸ مەلٸمەتٸنشە, كٶلٸك سالونىندا 19 جاستاعى قىز بولعان. ول مەديتسينالىق مەكەمەدە تەكسەرٸلٸپ, ٶمٸرٸ مەن دەنساۋلىعىنا قاۋٸپ جوق ەكەنٸ انىقتالعان. ال جٷرگٸزۋشٸگە مەديتسينالىق كٶمەك قاجەت بولماعان.
پوليتسييا جٷرگٸزۋشٸنٸ تەمٸرجول ٶتكەلٸنەن ٶتۋ ەرەجەلەرٸن بۇزىپ, كٶلٸك قۇرالدارىنا نەمەسە ٶزگە دە مٷلٸككە زييان كەلتٸرگەنٸ ٷشٸن ەكٸمشٸلٸك جاۋاپكەرشٸلٸككە تارتتى.
اتالعان باپتىڭ سانكتسيياسىنا سەيكەس, جٷرگٸزۋشٸ 9 ايعا كٶلٸك جٷرگٸزۋ قۇقىعىنان ايىرىلۋى مٷمكٸن.
