Semei qalasynda immýndyq plazmanyń álemdik tájiribede qoldanylýy týraly vebinar ótti, dep habarlaidy "Ult aqparat".
Qalalyq qan ortalyǵy Semei meditsinalyq ýniversitetimen birlesip ZOOM platformasy arqyly immýndyq plazmanyń álemdik tájiribede qoldanylýy týraly vebinar ótkizdi. Onyń barysynda dárigerlerge Shyǵys Qazaqstan oblysyndaǵy statsionarlarda koronovirýs infektsiiasymen aýyrǵan naýqastardy emdeýde antikovidti plazmalardy qoldaný boiynsha qosymsha aqparattar berildi.
«Immýndy plazmany qoldaný qaýipti dertti emdeýdiń qosymsha ádisi retinde emdeý hattamasyna engizildi. Óńirimizde osyǵan deiin de koronovirýs infektsiiasyn immýndy plazmany qoldaný arqyly emdeý boiynsha vebinarlar ótkizilgen», – deidi Semei qalalyq qan ortalyǵynyń tranfsýziology Aidana Mýratova.
Shyǵys Qazaqstan oblysynda pandemiia kezeńinde koronovirýsty emdeý jáne aldyn-alý boiynsha barlyq ádis-tásilder qoldanylýda. COVID-19-dan saýyǵyp shyqqan donorlardyń tizimderi jasalǵan. Búginde aimaq boiynsha 3267 plazma dozasy ázirlendi. Bul respýblikada daiyndalǵan dozanyń 60% quraidy.
