Semei qalasynda avtobýs pen júk kóligi soqtyǵysyp, 11 adam zardap shekti, dep habarlaidy "Ult aqparat".
ShQO Politsiia departamenti baspasóz qyzmetiniń málimetine súiensek, jol-kólik oqiǵasy 12 naýryz kúni saǵat 8:45-te Glinka kóshesinde bolǵan.
«Qoǵamdyq kóliktiń 51 jastaǵy júrgizýshisi Tsement zaýyty tusynan qalaǵa qarai kele jatqanda 44 jastaǵy er adam tizgindegen KamAZ-ben soqtyǵysty. Jol apaty saldarynan avtobýstaǵy ártúrli dene jaraqattaryn alǵan 11 jolaýshy dárigerlerdiń kómegine júgingen», - dep habarlady vedomstvo ókilderi.
Qazirgi ýaqytta atalǵan fakti boiynsha sot-meditsinalyq saraptamalar taǵaiyndaldy. Sonyń nátijelerine sáikes protsessýaldyq sheshim qabyldanady.
