Semei qalasynda alaiaqqa aldanǵan áiel 3,2 mln teńgesinen aiyryldy, dep habarlaidy QazAqparat.
ShQO Politsiia departamenti baspasóz qyzmetiniń málimetine súiensek, «102» jedel arnasyna 32 jastaǵy jergilikti turǵyn habarlasqan. Óz sózinde ol beitanys áieldiń úidi naryqtyq baǵadan tómenge satyp alýǵa kómektese alatyndyǵyn aityp sendirgenin jetkizdi. Buǵan aldanǵan jábirlenýshi 3 200 000 teńge mólsherinde shyǵynǵa batqan.
«Jedel-izdestirý sharalary barysynda politsiia qyzmetkerleri 27 jastaǵy kúdiktini ustady. Anyqtalǵandai, ol dál osyǵan uqsas qylmys boiynsha sottalǵan bolyp shyqty. Sotqa deiingi tergeý amaldary jalǵasýda», - delingen aqparatta.
Politseiler aqparattyq tehnologiialardy paidalana otyryp jasalatyn qysmystyń aldyn alýǵa jáne jolyn kesýge baǵyttalǵan «Hi-tech» sharasyn 8-14 qarasha aralyǵynda ótkizýde. Eki kúnniń qorytyndysy boiynsha buryn jasalǵan 21 internet-alaiaqtyq ashyldy.
