Semei qalasynda aǵaiyndy eki bala juqpaly indetten jazylyp shyqty, dep habarlady "Ult aqparat".
ShQO ákimi baspasóz qyzmetiniń habarlaýynsha, Semeidegi juqpaly aýrýlar aýrýhanasynda jatqan 2006 jáne 2007 jylǵy balalar koronavirýstan aiyqqan.
«Qazirgi ýaqytta ekeýi óz úilerinde, jaǵdailary jaqsy. Olar tolyqtai tekserýden ótken. COVID-19 synamasy teris nátije kórsetti», - delingen málimette.
2006 jyly jyly týǵan jasóspirimde aýrýhanaǵa túskende qurǵaq jótel, álsizdik jáne 38 gradýs temperatýra bolǵan. 3 sáýirde oǵan «pnevmoniia» diagnozy qoiyldy. Koronavirýsqa alynǵan synama oń bolyp shyqqan. Úsh kúnnen soń onyń 2007 jyly týǵan baýyrynan virýs tabyldy.
Esterińizge sala ketsek, 20 sáýir Shyǵys Qazaqstanda 3 adam qaýipti dertten jazylyp shyqqan bolatyn. Bul - 1959 jylǵy semeilik áiel men Óskemen qalasynda turatyn 1938 jylǵy eki zeinetker.
