Senat depýtaty Dúisenǵazy Mýsin Semei qalasyna bardy. Sapar barysynda ol Abai atyndaǵy mýzeige jáne alańǵa arnaiy atbasyn buryp, uly oishyldyń 175 jyldyǵyna daiyndyq jumystarymen tanysty, dep habarlaidy "Ult aqparat" Senattyń baspasóz qyzmetine silteme jasap.
Qala ákimi senatorǵa taiaýda ǵana Abai alańyn abattandyrý jumystary aiaqtalǵanyn aitty. Sonyń nátijesinde bul jerde oiyn jáne sport alańdary ashylyp, jas taldar otyrǵyzylǵan. Sondai-aq, aqyn eskertkishin jaryqtandyryp turatyn arnaiy qondyrǵylar ornatylǵan.
Qalada Abai atyndaǵy teatrǵa da jóndeý jumystary júrgizilip jatyr. Teatr kórkemdik jetekshisiniń aitýynsha, ǵimarattyń tarihi kelbeti tolyq saqtalady. Mereitoi aiasynda aqyn mýzeiinde Abai men balalaryna arnalǵan elimiz boiynsha alǵashqy eskertish ornatylady dep josparlanyp otyr.
Sonymen qatar Dúisenǵazy Mýsin Abai Qunanbaiulynyń 175 jyldyǵyna orai óńirlerdiń Semei qalasyn kórkeitý týraly Úkimet tapsyrmasyn qalai oryndap jatqanyna nazar aýdardy.
Osyǵan orai senator oblys ákimdikteri bul máselege basa mán berip, atalǵan tapsyrmanyń oryndalýyn baqylaýǵa alý kerektigin atap ótti.
