Semei qalasynda órt sóndirýshiler 1879 jylǵy ǵimaratta shyqqan jalyndy 17 saǵattan keiin tolyqtai aýyzdyqtady, dep habarlaidy "Ult aqparat".
ShQO Tótenshe jaǵdailar departamenti baspasóz qyzmetiniń málimetine súiensek, 26 aqpanda saǵat 00.46-da Abai dańǵylynyń boiynda ornalasqan JShS-nyń ekiqabatty ǵimaratynda órt shyqqan. Órt sóndirýshiler oqiǵa ornyna jedel kelip jetti. Aǵashtan salynǵan 1879 jylǵy ǵimarattyń qabyrǵalaryn, edenin, jihazdardy jáne jeke zattardy jalyn sharpyǵan.
«Tilsiz jaý saǵat 17.19-da tolyqtai aýyzdyqtaldy. Órtti sóndirýge 55 adam men 19 tehnika jumyldyrylǵan. Qyzyl jalynnyń jalpy aýmaǵy 600 sharshy metrdi qurady», - delingen habarlamada.
Aldyn ala málimet boiynsha órttiń shyǵýyna – elektr jabdyqtaryn montajdaý jáne paidalaný kezinde qaýipsizdik talaptaryn saqtamaý sebep bolýy múmkin.
