Semei qalasynda Kazakhstan Speedcubing Federation komandasy alty jarym saǵat ishinde 3 myń Rýbik kýbigimen Elbasy portretin jinady, dep habarlaidy QazAqparat.
Pannonyń biiktigi 2,8 m jáne uzyndyǵy 3,3 m. Qazaqstan Respýblikasynyń Tuńǵysh Prezidenti kúni men Qazaqstan Táýelsizdiginiń 30 jyldyǵyna orai kýbik jinaýshylar týyndyny Qazaqstan Respýblikasynyń Tuńǵysh Prezidenti Nursultan Nazarbaevqa arnady.
Komanda quramyna 11 synyp oqýshylary Ertursynov Álihan, Myrzakárimov Ámir, sondai-aq «Elbasy medali» jobasynyń qola deńgei qatysýshysy Raschetov Pavel jáne kolledj stýdentteri Rahatov Dilmar men Qazez Janat kirdi.
Bul – olardyń biyl jasaǵan 4-jumysy. Buǵan deiin olar kórermen qaýymǵa jeńis kúnine orailastyrylǵan Áliia Moldaǵulova, aqyn-aǵartýshy Abai Qunanbaev jáne Álihan Bókeihanovtyń týǵan kúnine arnalǵan panno usynǵan.
Jumystardyń negizgi maqsaty - Qazaqstanda «Spidkýbingti» nasihattaý.
