Semei ormany memlekettik orman tabiǵi rezervatynyń Bókebai filialyna qarasty Shadrýha ormanshylyǵynda sirek kezdesetin sileýsin baiqaldy, dep habarlaidy Ult.kz.
Rezervat qyzmetkerleriniń aitýynsha, túnde tirshilik etetin jyrtqysh ańnyń kórinýi aimaqtyń ekojúiesi saqtalyp, bioártúrliliktiń joǵary deńgeide ekenin kórsetedi. Sileýsin – orman ekojúiesindegi mańyzdy jyrtqyshtardyń biri, ol tabiǵi tepe-teńdikti saqtaýda airyqsha ról atqarady.
Mamandar sileýsinniń paida bolýy ormannyń saýlyǵy men tabiǵi ortanyń qolaily kúide ekenin dáleldeitin jaǵymdy belgi ekenin atap ótti. Sonymen qatar rezervat aýmaǵynda ańshylyqqa qatań tyiym salynǵany eskertilip, sirek kezdesetin janýarlardy qorǵaý – ortaq mindet ekeni aityldy.
