Belgili telejúrgizýshi Láilá Sultanqyzy áleýmettik jelidegi paraqshasynda kópshilikti tebirentken qýanyshty jańalyqpen bólisti. Onyń aitýynsha, Semei qalasynyń turǵyndary Medet pen Dariia 15 jyl boiy perzent súiýdi armandap, aqyry ata-ana atandy, dep habarlaidy ult.kz.
Uzaq kútken qýanyshtyń nátijesinde otbasy Arman men Ańsar esimdi egiz uldy boldy. Bul jańalyqqa qýanǵan telejúrgizýshi sábilerge aq tilegin arnap, olardyń baýy berik bolýyn tiledi.
Láilá Sultanqyzynyń sózinshe, erli-zaiyptylar ekstrakorporaldy uryqtandyrý (EKO) baǵdarlamasyn tolyqtai qaiyrymdylyq qarajatynyń kómegimen ótken. Ol mundai igi iske ádette kásipkerler men jomart jandar qoldaý bildiretinin aitty.
Alaida bul joly erekshe jaǵdai oryn alǵan. Telejúrgizýshiniń aitýynsha, Medet pen Dariianyń EKO baǵdarlamasynyń barlyq shyǵynyn qarapaiym halyqtyń qoldaýy arqasynda jabýǵa múmkindik týǵan.
«Kóp jaǵdaida patsientterimizge kásipkerler men nietti azamattar demeýshilik kórsetetin. Al bul otbasynyń EKO baǵdarlamasyn tolyq kótergen – sizder, halyq», – dep jazdy Láilá Sultanqyzy.
