Semeidegi №52 mekteptiń 13 jastaǵy eki oqýshysy bir-birin pyshaqtap, aýrýhanaǵa tústi. Synyptastardyń buǵan deiin dos bolǵany jáne birge kúrespen ainalysqany belgili, dep habarlaidy ult.kz.
Oqiǵa 10 qyrkúiekte sabaqtan tys ýaqytta bolǵan. Oqýshylardyń biri birneshe pyshaq jaraqatyn alǵan. Oǵan tórt saǵat boiy ota jasalyp, úsh kún jansaqtaý bóliminde jatqan. Qazir jaǵdaiy turaqty, jalpy palataǵa aýystyrylǵan.
Abai oblysynyń densaýlyq saqtaý basqarmasynyń málimetinshe, ekinshi oqýshy da meditsinalyq kómek alǵannan keiin ambýlatoriialyq emge jiberilgen.
Oqiǵaǵa bailanysty politsiia sotqa deiingi tergep-tekserýdi bastady. Qazir janjaldyń naqty sebepteri men barlyq mán-jaiy anyqtalyp jatyr.
Tergeý qorytyndysy boiynsha kámeletke tolmaǵandardy profilaktikalyq esepke qoiý jáne olardyń zańdy ókilderin bala tárbiesine qatysty mindetterin tiisinshe oryndamaǵany úshin jaýapkershilikke tartý máselesi qaralady.
Túpkilikti protsessýaldyq sheshim tergeý nátijesine qarai qabyldanady.
