Shymkent irgesindegi selden zardap shekken aýyl turǵyndaryna Bolat Ótemuratovtyń qorynan 50 myń teńgeden bólindi. Atap aitqanda, tasqyn sý shaiǵan Eltai aýylyndaǵy 91 otbasy múshelerine qor atynan 26 mln 500 myń teńge berildi, dep habarlaidy "Ult aqparat".
Atalǵan shara qalalyq Tótenshe jaǵdailar departamentiniń bastamasymen uiymdastyrylǵan. Departament qyzmetkerleri tasqynnan zardap shekken eldi mekendegi jaǵdaidy baǵalap, úilerin sý shaiǵan otbasylardy anyqtaǵan bolatyn.
Qazaqstannyń Qyzyl Jarty aiy qoǵamdyq qorynyń ókilderi Eltai aýylynyń 530 turǵynyna 50 myń teńgeden berip, aqsha salynǵan bank kartalaryn tabystady. Qaladaǵy karantindik sharalardy eskere otyryp jáne adamdardyń jappai jinalýyn boldyrmaý úshin kómek kartalary zardap shekken otbasylarǵa aýlalardy aralaý ádisimen jeke qolǵa berildi. Bólingen qarajat adamdarǵa óz múlikterin ishinara qalpyna keltirýge, sel tasqyny kezinde búlingen zattardy aýystyrýǵa jumsalmaq. Sondai-aq, turǵyn úidi jóndeý úshin qurylys materialdaryn satyp alýǵa jáne qajetti ónimder men taýarlardy satyp alýǵa jaratylmaq.
