2017 jylǵy 3 tamyz kúni Almaty qalasy Naýryzbai aýdany Qarǵaly ózeniniń aýmaǵynda Qazaqstan Respýblikasy Tótenshe jaǵdailar Departamenti, Naýryzbai aýdandyq ákimdigi, Naýryzbai aýdandyq Tótenshe jaǵdailar bólimi, Almaty qalasy Ishki ister Departamentiniń Jergilikti politsiia qyzmeti, Qazaqstan Respýblikasy IIM Tótenshe jaǵdailar komitetiniń respýblikalyq jedel-qutqarý otriady, «Qazselqorǵaý» jáne «Apattar meditsinasy ortalaǵy» memlekettik mekemesiniń filialy, Almaty qalasy ákiminiń apparaty «Almaty qalasynyń qutqarý qyzmeti - 109» qyzmetkerleri, sonymen qatar Ulttyq ulannyń 28237 áskeri bóliminiń áskeri qyzmetshileri men sarbazdary qatysqan «Sel - 2017» birlesken kólemdi komandalyq-shtabtyq jattyǵýlary ótti.
Komandalyq-shtabtyq jattyǵýlardy Almaty qalasy Tótenshe jaǵdailar Departamentiniń bastyǵy, órtke qarsy qyzmetiniń general-maiory Serik Áýbákirov ashyp, atalǵan oqý-jattyǵýlar kesheni aýmaqta tótenshe jaǵdailar qaýpi týyndaǵan kezde sel júrý apatynyń aldyn alý maqsatynda qutqarý jumystaryn uiymdastyryp júrgizý úshin, sondai-aq tótenshe jaǵdai týyndaýy múmkin eldi-mekenderdiń ǵimarattary men halqyn apattan qorǵaý maqsatynda ótkizilip jatqandyǵyn atap ótti.
General-maior Serik Áýbákirovtiń komandalyq-oqý jattyǵýdy bastaý týraly pármeni qabyldanysymen, ár sala qyzmetkerleri óz baǵyttary boiynsha qutqarý jumystaryn júrgizýdi bastady.
Oqý-jattyǵý jumystary kezinde Almaty qalasy Naýryzbai aýdany Qarǵaly ózenindegi sý deńgeiiniń shamadan tys kóterilýine bailanysty sý jinaý toǵanynyń apatyna ákep soqtyrýy múmkin jaǵdai boiynsha is-sharalar oryndaldy. Keshendi is-qimylǵa 24 birlik tehnika men 159 adam tartyldy.
Almaty oblysy Uzynaǵash aýylynda ornalasqan Qazaqstan Respýblikasynyń Ulttyq ulany azamattyq qorǵanys jónindegi 28237 áskeri bóliminiń áskeri qyzmetshileri bul oqý-jattyǵýlarǵa erekshe ázirlikpen keldi. Bólim komandiriniń buiryǵymen «Apat» dabylymen kóterilgen jeke quram dereý bes qarýyn sailap sapqa turǵyzylyp, bolýy múmkin tótenshe jaǵdai ornyna ýaqtyly kelip jetti.
Tótenshe jaǵdailar Departamenti basshysynyń buiryǵymen ulandyq jaýyngerlerdiń qutqarýshylar toby Naýryzbai aýdany Qarǵaly ózeni boiyndaǵy sel júrip ótken eldi-mekenderdegi qirap qalǵan turǵyn úiler men ǵimarattar ornynda apattyń zardaptaryn joiý jáne turǵyndardy qutqarý men olarǵa kómek kórsetý boiynsha jumystardy bilekterin sybana júrip belsene atqardy. Olardyń is-áreketterin Tótenshe jaǵdailar Departamentiniń basshylyǵy erekshe atap ótti.
Jalpy «Sel - 2017» birlesken komandalyq-shtabtyq oqý-jattyǵýlar qorytyndysy boiynsha ulandyq qutqarýshy jaýyngerler ózderine tapsyrylǵan mindetterdi minsiz atqaryp, tótenshe jaǵdai saldarymen oidaǵydai kúrese bildi. Oqý-jattyǵý kezinde ózderine júktelgen mindetterdi tabandylyqpen oryndap, Áskeri anttaryna adal bolǵany úshin 28237 áskeri bóliminiń komandiri podpolkovnik Baianǵali Esjanov jeke quramǵa alǵys jariialady.
Aidos Baishagirov leitenant, 28237 áskeri bóliminiń ofitseri
