Foto: ashyq derekkóz
Abai oblysynyń mádeniet, tilderdi damytý jáne arhiv isi basqarmasy basshysynyń 2026 jylǵy 20 qańtardaǵy №10 buiryǵyna sáikes Ámire Qashaýbaev atyndaǵy memlekettik filarmoniianyń direktory qyzmetine Seken Turysbekov taǵaiyndaldy, dep habarlaidy Ult.kz.
Seken Kárimuly Turysbekov 1961 jyly Abai oblysy Úrjar aýdanynda dúniege kelgen. Ol Semei qalasyndaǵy M.Tólebaev atyndaǵy mýzyka ýchilishesin, keiin Qurmanǵazy atyndaǵy konservatoriiany professor M. Áýbákirovtiń klasynda támamdaǵan. Eńbek ótili – 40 jyl.
Seken Turysbekov – «Jiger» festivaliniń, Máskeýde ótken jastar men stýdentterdiń dúniejúzilik festivaliniń laýreaty, Qazaqstan Lenin komsomoly syilyǵynyń iegeri, Qazaqstannyń eńbek sińirgen ártisi, Qurmet jáne Parasat ordenderiniń iegeri, Abai atyndaǵy Memlekettik syilyqtyń laýreaty, Qazaqstannyń Halyq ártisi.
Óner jolyn «Sazgen» ansamblinen bastaǵan ol keiin «Aq jaýyn» ansambli men orkestrin quryp, ujymdy halyqaralyq deńgeige kóterdi. Orkestr Japoniia, Qytai, Mońǵoliia, Frantsiia, Germaniia jáne ózge de elderde gastroldik saparmen óner kórsetti.
Osy ýaqytqa deiin Seken Turysbekov Súiinbai atyndaǵy Almaty oblystyq filarmoniiasynyń «Aq jaýyn» halyq aspaptar orkestriniń kórkemdik jetekshisi qyzmetin atqaryp keldi.
