Foto: TJM
Shýchinsk qalasyndaǵy dámhanada bolǵan jarylystan zardap shekken azamat Astanada qaitys boldy, dep habarlaidy Ult.kz.
Málimetterge sáikes, kóz jumǵan – 48 jastaǵy er adam. Ol elordada uzaq ýaqyt em qabyldaǵanymen, dárigerler onyń ómirin saqtap qala almady.
Eske sala keteiik, qaiǵyly oqiǵa 2026 jylǵy 26 aqpanǵa qaraǵan túni «Tsentr plova» dámhanasynda bolǵan. Gaz ballonynyń jarylysy saldarynan birden bes adam qaza tapqan. Keiin aýrýhanada taǵy jeti adam kóz jumdy. Qaza bolǵandardyń qatarynda mekeme qyzmetkerleri men kelýshiler bar.
Atalǵan derek boiynsha Qylmystyq kodekstiń 292-baby 3-bóligi («Órt qaýipsizdigi talaptaryn buzý, abaisyzda eki jáne odan da kóp adamnyń ólimine ákep soǵý») boiynsha is qozǵalyp, qoǵamdyq tamaqtaný ornynyń iesi ustalǵan.
Qazirgi ýaqytta Aqmola oblystyq aýrýhanasynda taǵy úsh zardap shegýshi em qabyldap jatyr. Dárigerler olardyń jaǵdaiy jaqsaryp kele jatqanyn habarlady.
Jalpy, qaiǵyly oqiǵa bolǵan kúni 28 adam zardap shekken.
