«Scat» aviakompaniiasynyń «Nur-Sultan – Atyraý» baǵytyndaǵy ushaǵynan aqaý shyqty. Bul týraly Nursultan Nazarbaev Halyqaralyq áýejaiynyń baspasóz hatshysy Ánýar Shálekenov málim etti, dep habarlaidy "Ult aqparat".
«Nursultan Nazarbaev Halyqaralyq áýejaiynda «Scat» aviakompaniiasynyń «Nur-Sultan – Atyraý» baǵytyndaǵy 765-shi reisi keshigýde. Keste boiynsha saǵat 13.55-te ushyp shyǵýy tiis bolatyn. Aldymen saǵat 18.00, keiin 19.30-ǵa deiin shegerildi. Endi túngi saǵat 00.00-ge deiin keshigetini habarlanady. Ushaqtyń keshigý sebebi – áýe kemesiniń aqaýy», - dedi Ánýar Shálekenov.
Sondai-aq málim etilgendei, «Scat» áýe kompaniiasynyń «Nur-Sultan – Aqtóbe» baǵytyndaǵy taǵy bir reisi ushyp shyǵý kestesinen aýytqyǵan. «Sebep – áýe kemesiniń keshigip kelýi», - dep naqtylady Á.Shálekenov.
«Jolaýshylardan túsinistikpen qaraýdy suraimyz. Sebebi jolaýshylardyń qaýipsizdigi mańyzdy. Reisterdiń ushyp shyǵýy boiynsha barlyq suraqtardy «Scat» aviakompaniiasyna jáne osy mekemeniń Call-ortalyǵyna joldaýdy ótinemiz», - dep qosty ol.
