polisia.kz
Almatyda politsiia profilaktikalyq sharalardy kúsheitti, dep habarlaidy Polisia.kz.
Profilaktika jyly aiasynda “Sairan” kóliniń jaǵalaý aimaǵynda qoǵamdyq qaýipsizdikti jáne quqyqtyq tártipti qamtamasyz etý maqsatynda Almaty qalasy politsiia departamentiniń basshylyǵy Almaly jáne Áýezov aýdandary ákimderi, sondai-aq merdiger kompaniia ókilderiniń qatysýymen kóshpeli jumys keńesi ótti.
Kezdesýde qalanyń eń kóp keletin demalys oryndarynyń birinde qaýipsizdikti qamtamasyz etý, jaqsartý jáne quqyqbuzýshylyqty baqylaý máseleleri talqylandy.
Jaqyn arada eki modýldik politsiia beketin ornatý, sondai-aq quqyqbuzýshylyqtardy jedel anyqtaýǵa jáne aldyn alýǵa múmkindik beretin, jaǵalaý aimaǵyn patrýldeý úshin drondardy paidalaný josparlanýda.
Sondai-aq jaǵanyń perimetri boiynsha Almaty qalalyq PD jedel basqarý ortalyǵyna dabyl beretin beinebaqylaý kameralary ornatylady. Sońǵy eki aptada politsiia qyzmetkerleri túrli qoǵamdyq tártipti buzǵan 120-dan astam adamdy jaýapkershilikke tartty. Sonymen qatar azamattardy demalys aimaǵyna uqypty qaraýǵa baýlý maqsatynda turǵyndarmen kezdesýler ótkizý, aqparattyq paraqshalar taratý, áleýmettik jarnamalardy ornalastyrý josparlanýda.
«Biz Sairan kólin turǵyndardyń demalatyn jeri ǵana emes, quqyqbuzýshylyqtyń aldyn alýda únemi nazarda bolatyn nysan retinde qarastyramyz. Mundaǵy qaýipsizdik pen tártip - bizdiń ortaq mindetimiz. Politseiler ákimdikpen jáne merdigerlermen birlesip, baqylaýdy qamtamasyz etedi, biraq turǵyndardyń ózderi de qatysýy mańyzdy», - dedi Almaty qalalyq politsiia departamenti.
