Almatylyqtar kóldiń káriz sýymen lastanýyna narazy. Beinejazba áleýmettik jelide paida boldy, dep habarlaidy "Ult aqparat".
Beinejazba avtory Sairam kóline káriz sýynyń qai jaqtan kelip qosylyp jatqanyn aitady. Sonymen qatar, jaǵymsyz iistiń shyǵyp turǵanyna shaǵymdandy.
Qalalyq jasyl ekonomika basqarmasynyń baspasóz qyzmeti videoǵa qatysty túsinikteme berdi.
«Biz tekserdik. Bul ýchaskede Jubanov kóshesinen, Airiha kóshesiniń batysyna qarai sý aǵatyn kanal bar ekeni anyqtaldy. Bul kollektor jańbyr men erigen sýdy aǵyzýǵa, sondai-aq Jubanov kóshesiniń boiynan, Airiha kóshesinen bastaý alatyn artyq sýarmaly sýdy aǵyzýǵa arnalǵan», - dep jaýap berdi basqarmadan.
Buǵan deiin, almatylyqtar Jarbulaq ózenine káriz sýy quiylyp jatqanyna shaǵymdanǵan bolatyn.
Ol kezde de Medeý aýdanynyń ákimdigi, ekologiia bólimi qyzmetkerleri men aýdandyq tabiǵatty qorǵaý politsiiasy tekserý jumystar júrgizgen edi.
