Memlekettik hatshysy Qyrymbek Kósherbaevtyń tóraǵalyǵymen Saiasi qýǵyn-súrgin qurbandaryn tolyq aqtaý jónindegi memlekettik komissiianyń ekinshi otyrysy ótti, dep habarlaidy "Ult aqparat".
Otyrys barysynda Saiasi qýǵyn-súrgin qurbandaryn tolyq aqtaý jónindegi memlekettik komissiia men onyń óńirlik filialdarynyń aǵymdaǵy qyzmeti talqylandy.
Memlekettik komissiianyń tóraǵasy Qyrymbek Kósherbaev komissiia jumysyn uiymdastyrý kezeńi aiaqtalyp, elimizdiń túrli arhivterinde ǵalymdardyń jáne sarapshylardyń belsendi zertteý jumystary bastalǵanyn atap ótti.
Memlekettik komissiianyń qyzmetin qamtamasyz etý úshin arnaiy Jobalyq ofis qurylǵan, onyń quramyna ǵalymdar, zertteýshiler jáne memlekettik organdardyń ókilderi kirgen.
Memlekettik komissiia qyzmetiniń barlyq baǵyttaryn jan-jaqty qamtý úshin 11 jumys toby quryldy. Ár top óz qyzmetin qýǵyn-súrgin qurbandarynyń sanatyna sáikes taqyryptyq josparlar men belgili bir ádistemeler aiasynda júzege asyrady.
Memlekettik komissiianyń júieli jumysyn uiymdastyrý úshin elimizdiń barlyq aimaqtarynda saiasi qýǵyn-súrgin qurbandaryn tolyq aqtaý jónindegi óńirlik komissiialar quryldy. Olardy óńirler ákimderiniń orynbasarlary basqarady, quramynda ǵalymdar, kórnekti qoǵam qairatkerleri jáne memlekettik organdar men uiymdardyń ókilderi bar.
Bilim jáne ǵylym ministri Ashat Aimaǵambetov májilis barysynda jumys toptarynyń barlyq músheleri jabyq jáne arnaiy arhivterde jumys isteýge ruqsat alǵanyn atap ótti. Vedomstvo basshysy bul jumysqa tartylǵan ǵalymdar jalaqysy men barlyq áleýmettik tólemderi saqtala otyryp, joǵary oqý oryndary men ǵylymi-zertteý institýttaryndaǵy negizgi jumystarynan ýaqytsha bosatylǵanyn da aitty.
