QR Premer-Ministriniń orynbasary Eraly Toǵjanov saiasi qýǵyn-súrgin qurbandaryn aqtaý baǵytynda uiymdastyrylatyn jumystarǵa qansha qarajat baǵyttalatynyn aitty, dep habarlaidy "Ult aqparat".
«Respýblika deigeiinde biylǵa 250 mln teńge josparlanǵan. Bul tek ortalyq organdar deńgeiinde. Buǵan qosa, atqarylatyn jumys kólemine qarai óńirlerdegi ákimderge naqty tapsyrma berildi. Iaǵni barsha komissiia músheleri men óńirlik komissiianyń jumysy úshin qajetti qarjylyq resýrstarmen jáne materialdyq-tehnikalyq bazamen qamtamasyz etý eskerilgen», - dedi Toǵjanov Ortalyq kommýnikatsiialar qyzmetinde.
Óz kezeginde QR Parlamenti Májilisiniń depýtaty Berik Ábdiǵaliuly bul qarajat qandai jumystarǵa baǵyttalatynyn túsindirdi.
«Bul turǵyda ǵalymdarǵa, mamandarǵa jáne sarapshylarǵa jalaqy tólenedi. Sebebi olar qosymsha júkteme alyp jumys isteidi. Ǵalymdar ýaqytsha negizgi jumysynan bosatylyp, arhivterde jáne basqa da mekemelerde zertteý júrgizedi. Sondyqtan negizgi qor – ol jalaqy», - dedi depýtat.
