«Nur Otan Trends» pikirtalas alańynyń kezekti jiyny ótti. Kezdesý barysynda sarapshylar qazaqstandyqtar úshin basty baǵdar bolǵan Elbasynyń «Eldiktiń jeti tuǵyry» qaǵidattar jiyntyǵyn talqylap, Qazaqstandaǵy ózekti qoǵamdyq-saiasi máseleler boiynsha pikir almasty, dep habarlaidy "Ult aqparat".
Kezdesýge qatysýshylar Elbasynyń «Eldiktiń jeti tuǵyry» qaǵidattar jiyntyǵyn júzege asyrýdyń mańyzdylyǵyn, olardyń halyq pen el úshin syndarly mánin atap ótti.
Eýraziialyq integratsiia institýtynyń direktory, saiasattanýshy Orazǵali Selteev óz sózinde bileýshi partiia men basqa da barlyq qoǵamdyq-saiasi qozǵalystar eldiktiń 7 tuǵyrynda aitylǵan qundylyqtardy nyǵaitý jolynda qyzmet etýi kerektigin, sondai-aq olar memleket damýynyń negizi bolǵandyqtan halyq arasynda da keń qoldaý tapqanyn aitty.
«30 jyldyqtyń basty nátijesi – elimizdiń saiasi, aýmaqtyq jáne ekonomikalyq táýelsizdigi qamtamasyz etildi. Bul jerde Qazaqstannyń Tuńǵysh Prezidentiniń róli men sińirgen eńbegi erekshe. Elbasy Nur Otan aldyna tek saiasi alańda ǵana emes, qoǵamdyq salada basymdyq kórsetip, halyqpen aradaǵy kópir bolý maqsatyn qoidy», - deidi spiker.
Saiasattanýshy «Jeti tuǵyr» – bul Elbasynyń ideologiialyq keshendi úndeýi, bul basymdyqtarmen árbir qazaqstandyq daýsyz kelisetinin atap ótti.
Sarapshy ártúrli saiasi partiialardyń, azamattyq belsendiler men qozǵalystardyń óz kózqarasy bolýy múmkin ekenin, alaida negizgi saiasi baǵyt boiynsha ortaq kelisimniń bolýy kerektigin aitty. Bileýshi partiia retinde Nur Otan-ǵa sabaqtastyqty saqtaý úshin qoǵamdy Prezidenttiń memlekettik baǵyty tóńireginde toptastyrý, elimizdiń damýy men saiasi turaqtylyǵyn qamtamasyz etý jolynda erekshe mindet júktelgen deidi.
«Ishki saiasi turaqtylyqqa kóbinese sol ústemdik etýshi partiianyń orny bar 20 jyl boiy qalyptasqan partiialyq-saiasi júieniń arqasynda qol jetkizildi. Osy jyldar ishinde sol bileýshi partiia eldegi barlyq jańǵyrtý protsessteriniń lokomotivi boldy», - dedi O.Selteev.
