Ulttyq qoǵamdyq senim keńesiniń múshesi Saiasat Nurbek usynystar paketi týraly aityp berdi, dep habarlaidy QazAqparat.
«Ulttyq keńestiń áleýmettik máseleleri boiynsha toby bilim, ǵylym, densaýlyq saqtaý, eńbek naryǵyn damytý, til, kóshi-qon boiynsha usynystar paketterin daiyndap, tiisti mekemelermen tyǵyz jumysty atqardyq. Jumystardy eń tómengi deńgeiden bastadyq, sebebi negizgi máseleler sol jerde sheshiledi. Atap aitqanda, joǵary bilim jáne ǵylym, mektepke deiingi jáne orta bilim, tehnikalyq jáne kásiptik bilim, sondai-aq eńbek naryǵyn boljaý men biliktilikti arttyrý turǵysynda usynystar paketi daiyndaldy», - dedi S.Nurbek Ulttyq qoǵamdyq senim keńesiniń otyrysynda.
Onyń aitýynsha, Densaýlyq saqtaý ministrligimen yntymaqtastyq aiasynda densaýlyq saqtaý salasyndaǵy jumys tiimdiligin arttyrý boiynsha usynystar paketi daiyndaldy.
«Qazirgi ýaqytta osy jumysty nyǵaitý kerek. Densaýlyq saqtaý salasynda áli de tyǵyz bailanys ornatylmai jatyr», - dedi ol.
Budan bólek, Saiasat Nurbek qandastarǵa qatysty birneshe usynysyn jetkizdi. Birinshi – sheteldegi etnikalyq qazaqtarǵa jerdi paidalaný quqyǵyn berý. Bul qazir óte qyzý talqylanyp jatqan másele. Taǵy bir usynys 18 qarasha kúnin Ulttyq kóshi-qon kúni dep belgileýge qatysty.
«Jalpy, úsh aidyń ishinde memlekettik organdarmen óte egjei-tegjeili jumys istedik», - dedi ol.
