Belgili saiasattanýshy, BTSDigital bilim berý jobalarynyń jetekshisi Saiasat Nurbek Prezidenttik kadr rezerviniń artyqshylyqtary týraly aityp berdi, dep habarlaidy QazAqparat.
«Qazaqstanda ǵana emes, búkil álemde urpaqtar aýysyp jatyr. Kóptegen laýazymdy qyzmetke jas mamandar kelip jatyr. Máselen, Finliandiiada Úkimet kabineti músheleriniń, ministrlerdiń ortasha jasy – 32-35-te. Genderlik teńgerim de ózgerip keledi. Munyń basty sebebi – adamzat aldynda turǵan máselelerdiń sipaty ózgerip keledi. Jańa problemalardy sheshý úshin eski tájiribelerge súiene almaityn qubylys paida boldy», - dedi Saiasat Nurbek QazAqparat tilshisine bergen suhbatynda.
Sonymen birge, spiker jańa jyldyń basynda júzege asyrylatyn iri jobanyń qanshalyqty mańyzdy ekenin atap ótti.
«Shyn máninde, Prezidenttik kadr rezerviniń eń basty mindeti – týyndaǵan problemalarǵa jedel jaýap bere alatyn úzdik jastardy irikteý. Bul jańa qural emes, Qazaqstanda birneshe ret qoldanylǵan tásil. 90-shy jyldardy eske alsaq, elordamyz kóshken kezde ǵylymi qoǵamdastyqtan, isker jáne shyǵarmashylyq ziialy qaýymnan kóptegen jastar shaqyrtylǵan bolatyn. Endi biýrokratiialyq apparatty jańartý mańyzdy. Sonymen qatar, Prezident jańa basqarýshylar júzege asyratyn kreativti, airyqsha mindetterdi alǵa qoiyp otyr», - dedi sarapshy.
Aita keteiik, búgin Ortalyq kommýnikatsiialar qyzmetindegi baspasóz máslihatynda QR Prezidenti Ákimshiligi Basshysynyń orynbasary Máýlen Áshimbaev Prezidenttik jastar kadr rezervine engen 300 qazaqstandyqtyń anyqtalǵanyn málimdedi. Jeńimpazdardyń ortasha jasy 31-de.
Joba jeńimpazdarynyń tolyq tizimin Prezidenttik jastar kadr rezerviniń resmi saitynan kórýge bolady.
