Qazaqstanda koronavirýsqa qarsy «Spýtnik V» vaktsinasynyń birinshi komponentin 435 myń adam aldy. Bul týraly QR Densaýlyq saqtaý birinshi vitse-ministri Marat Shoranov aitty, dep habarlaidy "Ult aqparat".
«Koronavirýstyq infektsiiaǵa qarsy vaktsinatsiia jalǵasýda. Birinshi sáýirden bastap vaktsinatsiialaýǵa jatatyn adamdardyń sanattary keńeitildi. Kestelerdi jergilikti atqarýshy organdar jasaidy. Búgingi tańda birinshi komponentpen 435 myń azamat, ekinshi komponentpen – 107 myńnan astam qazaqstandyq egildi», - dedi ol Ortalyq kommýnikatsiialar qyzmetindegi baspasóz máslihaty barysynda.
Onyń dereginshe, sáýir aiynyń basynan bastap óńirlerge «Spýtnik V» vaktsinasynyń 923 myńnan astam dozasy jetkizildi.
«Osy aiynyń sońyna deiin 910 myń doza, basqa óndirýshilerdiń 500 myń dozasy jáne 25 myń «QazVac» vaktsinasyn jetkizý kútilýde. Bul eldiń shamamen 2 mln azamatyna vaktsinatsiialaýdyń qoljetimdiligin qamtamasyz etedi», - dedi Marat Shoranov.
