QR Densaýlyq saqtaý ministrligi Sanitarlyq-epidemiologiialyq baqylaý komitetiniń tóraiymy Aijan Esmaǵambetova sáýirde azamattardyń qai sanatyna koronavirýsqa qarsy vaktsina salynatyndyǵyn aitty, dep habarlaidy "Ult aqparat".
«Birinshi kezeńde meditsina qyzmetkerlerine, pedagogtarǵa, kúshtik qurylymdardyń ókilderine ekpe jasadyq. Osy sanatqa vaktsinatsiia jalǵasa beredi. Vaktsinanyń qosymsha úlken jetkizilimi túsetindigin eskere otyryp, sozylmalyq aýrýlary bar, táýekel tobyna kiretin adamdardy vaktsinalaý kózdeledi. Sonymen qatar meditsinalyq-áleýmettik jáne ózge de jabyq mekemelerdiń qyzmetkerleri men kontingenti vaktsina alady. Óitkeni, jabyq mekemelerde koronavirýs infektsiiasynyń taralýy táýekeli birshama joǵary», - dedi ol.
Onyń atap ótýinshe, aldaǵy ýaqytta halyqtyń basqa sanattary, onyń ishinde 65 jastan asqan zeinetkerler de koronavirýs infektsiiasyna qarsy ekpeni birtindep alatyn bolady.
«Qaraǵandy meditsinalyq farmatsevtika kesheninde 600 myń doza vaktsina shyǵarylatyn bolady. Bul osy ýaqytqa deiin jasalǵan kelisimshart aiasynda júzege asyrylady. Qazirgi ýaqytta qosymsha qajet ekpege bailanysty «Spýtnik V» vaktsinasyn óndirýshilermen kelissóz júrgizilip jatyr», - dedi Aijan Esmaǵambetova.
